ယွၼ်ႉသၢႆၾႆး တႃႇပၢႆႇသွတ်ႉလႄႈ ၾႆးမႆႈႁိူၼ်း ၵူၼ်းမိူင်း ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ(1) တၢင်ႉယၢၼ်း၊ ၸေႈတွၼ်ႈမၢႆ(1) ၸိုင်ႈတႆးပွတ်းႁွင်ႇ ၼၼ်ႉ ၼႆယူႇယဝ်ႉ။
မိူဝ်ႈလိူၼ်ၵျုၼ်ႇ(11) ဝၼ်း ယၢမ်း(15:00) မူင်း ၼၼ်ႉ ယွၼ်ႉသၢႆၾႆးတႃႇပၢႆႇ ဢၼ်ၸႂ်ႉတိုဝ်း ၼႂ်း ႁိူၼ်းၼၼ်ႉ ပဵၼ်သွတ်ႉသေ ၾႆးလုၵ်ႉမႆႈႁိူၼ်း လုင်းသၢင်ႇလႃႉ+ ပႃႈၼူၼ်း ဝၢၼ်ႈၼွင်ၸၢင်ႉ၊ ဢိူင်ႇၼွင်ၶမ်း၊ ၸေႈဝဵင်းမၢႆ(1) တၢင်ႉယၢၼ်း လႄႈ လႆႈလူႉသုမ်း ၸွမ်း ႁိူၼ်းၼိုင်ႈလင် ၊ ၶဝ်ႈပိူၵ်ႇ (3) လင် ၊ တူဝ်ငိုၼ်း (100,000) ၼိူင်ႈသႅၼ်ၵျၢပ်ႈ၊ ၽူင်း(1)လုၵ်ႈ ႁူမ်ႈသဵင်ႈ ပေႃးၼပ်ႉသွၼ်ႇ သၢင်ႉငိုၼ်း တေသုမ်းမွၵ်ႈ (10,000,000) ၼိူင်ႈပၢၵ်ႇသႅၼ်ၵျၢပ်ႈ ၼႆယူႇယဝ်ႉ။
မိူဝ်ႈပူၼ်ႉမႃးလိူၼ်ဢေႇပိူဝ်ႊ (13) ဝၼ်း ၶၢဝ်းယၢမ်း ၵၢင်ဝၼ်း (12:30) မူင်း ၼၼ်ႉၵေႃႈ ၾႆးသႅင်လႅတ်ႇ သွတ်ႉပဵၼ်ၾႆး သေ ႁဵတ်း ႁႂ်ႈ ၾႆးမႆႈႁိူၼ်း လုင်း ၸၢႆး +ပႃႈပႃး ဝၢၼ်ႈမၢၵ်ႇမိုဝ်း ဢိူင်ႇၵဵင်းၶမ်းလူင် ၸေႈဝဵင်းမၢႆ(35) လွၵ်ႉ ၸွၵ်ႇ လႄႈ လႆႈလူႉသုမ်းၸွမ်း ႁိူၼ်း (1) လင် ၊ လူတ်ႉၶိူင်ႈ(1) လမ်း ၊ ၶဝ်ႈသၢၼ် (1) ထူင် ဢိၵ်ႇပႃး ၶူဝ်းႁိူၼ်းၽိူၼ်ဝၢၼ်ႇ ၸဵမ်ၸိူဝ်းၼႆႉ ယူႇယဝ်ႉ။
ယွၼ်ႉဝႃႈ မိူဝ်ႈလဵဝ်ပဵၼ်ၵၢပ်ႈပၢၼ် ၸႂ်ႉတိုဝ်း ၾႆး ၾႃႉ ၊ ၾႆးသႅင်လႅတ်ႇ ၊ ၾႆးၼမ်ႉတႃႇပၢႆႇ ၸိူဝ်းၼႆႉ လႄႈ ၶႆႈပၼ်ၾၢင်ႉထိုင် ပေႃႈမႄႈၵူၼ်းမိူင်း ၸိူဝ်း ဢၼ်ၸႂ်ႉတိုဝ်း ၾႆးၾႃႉသႅၼ်းမဵဝ်းလႂ်ၵေႃႈလီ ထုၵ်ႇလီၸႂ်ႉတိုဝ်းပႃး ၶိူင်ႈထိင်းၾႆး ဢၼ်ၶိုတ်းၵၢပ်ႈ သင် ၸိူဝ်ႉဝႃႈ သၢႆၾႆးမီးသွတ်ႉၼႆ ဢၼ်ပိၵ်ႉဢိုတ်းၾႆး လႆႈ (Auto) ႁင်းၵူၺ်း ၼၼ်ႉသေ ထုၵ်ႇလီၵႆႉ ထတ်း တူၺ်းသၢႆၾႆး ၊ မိူဝ်ႈတေသႂ်ႇသၢႆ ၾႆးတႃႇၸႂ်ႉၼႂ်း ႁိူၼ်းၵေႃႈ ထုၵ်ႇလီတိူင်ႇပၢင်ဢဝ်တၢင်းႁၼ်ထိုင်တီႈ ၽူႈလူင်ႉလႅၼ်ႇၾၢႆႇၾႆး ၾႃႉၶဝ် သေ ၸႂ်ႉတိုဝ်း ႁႂ်ႈမႅၼ်ႈၸွမ်း လၢႆးၸႂ်ႉမၼ်း လီလီၼႆႉ တေ ၸၢင်ႈႁဵတ်းႁႂ်ႈ လွတ်ႈ ၽေး ၾႆးသွတ်ႉ ၾႆးမႆႈ ၸဵမ်ၸိူဝ်း ၼႆႉ ယူႇယဝ်ႉ။
